للتخلــــص من الكــــــــرش قبل الصيفيـــه

الســــــــلام عليكمـ

كيفكــــــــمــ ياحريمات


بدون مقدمـــــــــات فتحت هذا التجمع للي عندهم كروش سواء من السمنه او الحمل والولاده او اي سبب اخر نبي نتخلص من الكرش من غير شـــر باذن الله في خلال هالشهرين او3شهور يعني قبل الصيفيه
تعرفون الاجازه معظمها زواجات وحفلات الخ
ودنا يطلع منظر الفساتين حلوووو يعني حرام نخسر في هالفساتين وبعدمانلبسها تعالي شوفي المنظر بااايخ مع الكرش الحمدلله على كل حال

انا ماعندي ذيك الكرش بس والله واضحه خصوصا لما البس امبير ياسلاااااام

المهم اللي حابه تشارك معي في هذا التـــــحدي

عندي نقاط رئيسيه لازم نمشي عليها

نبـــــــدأ


بسم الله

1- تمرين شفط البطن:
اللي هو تشفطين بطنك على جوه لحد ماتشوفين القفص الصدري بعدين عدي 10 ثوان -20ثانيه اللي تقدري عليه بس لاتحبسين نفسك وابتلش فيك لاتنفسي عاااااادي وبطنك على جوااااا
او اذا صحيتي من النوم وانتي على السريرارفعي يدينك على ورى واشفطي بطنك
وكل مامريتي من عند باب اتعلقي فيه يعني ارفعي يدينك على فوق وراسك عادي لاترفعينه واشفطي بطنك على جواااااا وعدي الين ماتتعبي ووقفي وارجعي كرري العمليه
يعني بالعربي طول اليوم كل ماتذكرتي اشفطي بطنك على جوااااااا

هذا التمرين فضيع يابنات اعرف وحده من قرايبنا ماشاء الله ماعندها كرش وهي عيالها بالجامعه قولوا ماشاء الله ولاهي خلق خلطات ومدري ايش وبالصدفه كنت اتكلم عندها عن هذا التمرين قالت انا من زمان اشفط بطني ولاتدري انه هذا كويس التمرين بس تعودت على هذه الحركه

2- كريم الزنجبيل:
اعملي هذا الكريم في البيت وحطي يوميا منه مع التدليك الين يمتصه الجلد
وهومن صاحبة الموضوع كالتالي
طريقه صنع كريم الزنجبيل : طريقه

******************************

اي كريم مرطب انا استخدمت جليوسليد الاحمر واحيان دوف


3- شرب قشر القهوه والشاي الاخضر بالزنجبيل

قشر القهوه لازاله الكروشه . ^_^ . لتحضيرها
حابه اقولكم على تجربتي مع قشر القهوه ...


انا كتبت الكلام هذا في موضوع وحده من الاخوات عن الكرش ...


بس جاتني اسئله كثيره واستفسارات ..


فحبيت اكتب الموضوع بالتفصيل عشان الكل يستفيد ...


انا والده لي عشره شهور ولاده قيصريه وطبعا عارفين كيف تكون البطن بعدها لأنه ما في لا مشد ولا شي ...

ونصحوني بالقشر انه يشيل البطن نهائيا .. وممتاز جدااااااا ...


وصحيح كلامهم بعد النفاس بطني كلها راحت ولا كاني والده الحمدلله ...


واللي تقول انا خلصت نفاس وما مني فايده لا بالعكس لانه انا بعد النفاس باربعه شهور شربت العدو اللدود للكرشه وهو البيبسي رجعت بطني زي ما كانت ...


والله يا بنات البيبسي البيبسي هو اللي يكبر البطن والكرش من الغازات .. لا تشربوه نصيحه


الا اذا هفت النفس مره في الشهر مو مشكله خخخخ بس مره ...


المهم بعد ثمنيه شهور من الولاده رجعت شربت القشر راحت الحمدلله بطني ...


يعني اي وحده عندها بطن وفي اي وقت وفي اي وضع سواء كانت نفاس ولا لا ... حتى لو كانت بنت .. تشرب القشر ممتااااااااااااااااااااااااااااااااااااااااااز ...
***********
وطريقته للي يسألوا عن الطريقه ...
يحطوا قشر وهيل وزنجبيل ... كلهم الثلاثه معروفين عن فوائدهم ...وكلهم اذا انشربوا لحالهم يزيلوا البطن فكيف الثلاثه مع بعض ... يا سلام ...
اذا راح تشربي لحالك ... ودلتك صغيره ...
حطي ملعقه صغيره من قشر القهوه ... بس خلي الملعقه مليانه جدا زي كذا


وملعقه صغيره هيل ناعم ...


وملعقه كبيره زنجبيل اخضر مبشور او قطعه كبيره بكيفك المهم زنجبيل او حتى مطحون براحتك ...
وتحطي عليهم المويه المغليه في ثلاجة القهوه وتقفليها ... وهذا حجم الثلاجه ..
حطيت الدله جنب الماكينه عشان تشوفوا حجمها ...بس لا تضحكوا على الثلاجه ابو قديم خخخخخخخ ب
س مو انا اللي اشتريتها هذي ام زوجي حرمه كبيره وحرام لازم استعملها ...


المهم تخلي الدله نص ساعه بعدها تشربي القشر بالعافيه ..
وبصراحه ان مرات اكون مو مزاجي اشرب قشر ... فايش اسوي عشان طعمه اخذ حبة جالكسي ... حبه وحده بس ...


واشرب عليها الدله كلها .. مو كرتون جالكسي وكانك يا ابو زيد ما غزيت لا ...
بس قطعه صغيره جداااااا اشرب عليها الدله كلها ...


وطبعا كل يوم تشربي دله كامله او نصها على حسب مزاجك ..


واذا يوم ما قدرتي مو معناتها خلاص توقفي لا عادي انا مرات اجلس ثلاثه ايام موقفه وارجع اشرب ما في مشكله ..
وفي اي وقت صباح ليل بعد الغدا برضو بكيفك ...


وراح تبدأ النتيجه من ثلاثه اسابيع لشهر على حسب حجم البطن وبعدها تبدأ بطنك شويه شويه تروح
وعلى حسب مداومتك للشرب ...


*******

وكمان مغلي النعاع لحاله ممتاااااااز للانتفاخات والبطن ممكن تسوي جدول يوم قشر ويوم نعناع كمان احاى واحلى ...


ولا تنسي التمارين انا بصراحه ما سويت تمارين لكن حبدأ فيها ان شاء الله قريب ...


ويارب تستفيدوا .. والله يخليكم ادعولي يا رب يحقق كل اللي في بالي ...


وانه ربنا يرضى علي وعلى زوجي وولدي ..


وشكراااااااااا

والشاي الاخضر يفضل من وادي النحل ممتاز


4- متر او شريطه للقياس

جيبي متر او شريطه قيسي بطنك من اول مانبدا وبعد شهر شوفي النتائج بإذن الله


5- ابتعدي عن الغازااااااااااات
ممنوع البيبسي ومشتقاته
بنات اصبروووووو مو مشكله


6-الاهتمام وقت الدوره
اهتمي بنفسك وقت الدوره تدفي مزبوط ولاتجوعين نفسك واشربي سوائل دافئه واتبعي نظام فيافي
واللي عندها اضافه اوخلطه تقول

وعلى البركه مين تبدأ معي